စီးပွားရေးဖွံ့ဖြိုးမှုတွင် စွမ်းအင်လိုအပ်သည်။စွမ်းအင်သည် စက်မှုကဏ္ဍနှင့်ကုန်ထုတ်လုပ်ငန်းများကို လည်ပတ်စေပြီး အသက်မွေးဝမ်းကျောင်းများကိုတိုးတက်စေကာဈေးကွက်များကိုလည်းဆက်စပ်ပေးသည်။ စွမ်းအင်ကို တိုးတက် သုံးစွဲခြင်းသည် စီးပွားရေးအဆောက်အဦကို ပိုမိုခေတ်မီအောင် ဆောင်ရွက်ခြင်း လည်းဖြစ်သည်။ ယင်းနှင့် ပတ်သက်သည့် သမိုင်းဆိုင်ရာအဆက်အစပ်မှာ ပိုမိုထင်ရှားသည်။ နိုင်ငံများ၏ စီးပွားရေးသည် စွမ်းအင်ကို ပိုမို သုံးစွဲလာနိုင်သည်နှင့်အမျှ ဆက်လက်ဖွံ့ဖြိုး တိုးတက်လာစေမြဲဖြစ်သည်။ နိုင်ငံအများအပြား၏ပျမ်းမျှတစ်ဦးချင်း ဝင်ငွေနှင့် စွမ်းအင်သုံးစွဲမှုတိုးတက်နှှုန်းကို နှိုင်းယှဉ်ရာတွင် မျဉ်ဖြောင်သဘောဆက်နွယ်မှုမဟုတ်ကြောင်းတွေ့ရ သည်။ စွမ်းအင်သုံးစွဲမှုမရှိသဘောက်နိမ့်ကျသောအဆင့်မှ အထက်သို့တက်ရာတွင် ဝင်ငွေမှာသိသိသာသာ တိုးတက်သွားလေ့ရှိသည်။ နိုင်ငံတစ်နိုင်ငံချမ်းသာကြွယ်ဝ သွားပြီးနောက်တွင်မူ စွမ်းအင်သုံးစွဲမှုနှင့် ဝင်ငွေ အကြား ဆက်စပ်မှုမှာ ပြန်ပြီးကျဆင်းသွားတတ်သည်။ ထို့ကြောင့်စွမ်းအင်မှာ ဖွံ့ဖြိုးမှုအစောပိုင်းကာလများတွင် ပိုပြီးအရေးပါတတ်သည်ကိုတွေ့ရသည်။

• ဗမာဘာသာစကား