မြန်မာနိုင်ငံအနေဖြင့် ရေအားလျှပ်စစ်ကိုအနာဂတ်လျှပ်စစ်ဓာတ်အားဖြည့်ဆည်းရန်အတွက် အဓိကကျသော စိုးရိမ်မှုများကို အသိအမှတ်ပြုပြီး ဖြေရှင်းရန်လိုအပ်သည်။မြန်မာနိုင်ငံ၏ပေါကြွယ်ဝသော ရေအားလျှပ်စစ် အရင်းအမြစ် အများစုသည် တိုင်းရင်းသားဒေသများဖြစ်သော အထူးသဖြင့် ကရင်၊ ကယား၊ကချင်နှင့် ရှမ်းပြည်နယ်တို့၌ တည်ရှိပြီး၎င်းတို့အားလုံးမှာ ဆက်လက်ဖြစ်ပွားနေသောတိုင်းရင်းသားလက် နက်ကိုင်ပဋိပက္ခ များနှင့် လက်နက်ကိုင်တို့၏ တင်းမာမှုတို့ရှိနေသည်။ ဖြစ်ရပ်များစွာတွင် တိုင်းရင်းသားဒေသ များစွာတွင် ဆည်ကြီးများတည်ဆောက်ခြင်းသည် ဒေသခံလူထုအပေါ် လူ့အခွင့်အရေး ချိုးဖောက်မှုများကို ဖြစ်ပေါ်စေသည့်အတွက် ပဋိပက္ခများ၊ ပြင်းထန်သောလူမှုရေးနှင့်ပတ်ဝန်းကျင် သက်ရောက်မှုများကို ဖြစ်ပေါ်စေသည်။ မကြာသေးမီနှစ်များအတွင်း မြန်မာနိုင်ငံ၌ စီစဉ်ထားသော (၅၀ အနက်မှ၄၂) ခုရှိသည့် ကြီးမားသောရေအားလျှပ်စစ်စီမံကိန်း အများစုသည် တိုင်းရင်းသားဒေသများတွင်သာတည်ရှိသည်။ ဤဧရိယာများတွင် ဖွံ့ဖြိုးတိုးတက်မှုအတွက် စီမံကိန်းများစွာထပ်မံချထားပြီးဖြစ်ရာ ဤ အစီရင်ခံစာသည် ရေအားလျှပ်စစ်စီမံကိန်းများက မြန်မာနိုင်ငံအရှေ့တောင်ပိုင်းရှိ တိုင်းရင်းသားလူမျိုးစုများအပေါ် မည်သို့အကျိုးသက်ရောက်သည်ကို မီးမောင်းထိုးပြထားသည်။

• ဗမာဘာသာစကား