PTTEP South Asia Limited_ လုပ်ကွက် MD-7 တွင် ရှာဖွေရေးတွင်းတူးဖော်ခြင်းအတွက် ပတ်ဝန်းကျင် ထိခိုက်မှု ဆန်းစစ်ခြင်း အစီရင်ခံစာ အကျဉ်းချုပ် (မူကြမ်း၊ ၂၀၁၉)

PTTEP သည် ပတ်ဝန်းကျင်ထိခိုက်မှုဆန်းစစ်ခြင်း အစီရင်ခံစာ မူကြမ်း အကျဉ်းချုပ် (EIA အစီရင်ခံစာ အပြည့်အစုံမဟုတ်ပေ။) ကို ၎င်းတို့၏ ဝဘ်ဆိုဒ်တွင်ဖော်ပြထားသည်။ ပတ်ဝန်းကျင်ထိခိုက်မှုဆန်းစစ်ခြင်း အစီရင်ခံစာသည် မြန်မာ့ရေနံနှင့်သဘာဝ ဓာတ်ငွေ့လုပ်ငန်း (MOGE) မှ ပိုင်ဆိုင်သော ကမ်းလွန်လုပ်ကွက်အမှတ် MD-7 တွင် ရှာဖွေရေးတွင်းတူးဖော်ခြင်းလုပ်ငန်းအတွက် ထုတ်လုပ်မှုအပေါ် ခွဲဝေခံစားမှုစာချုပ် (PSC) ဖြင့် PTTEP အား ပေးအပ်ထားသည့် လုပ်ငန်းအတွက် ပြင်ဆင်ထားခြင်းဖြစ်သည်။ ဤစီမံကိန်းသည် မုတ္တမ ပင်လယ်ကွေ့တွင်တည်ရှိပြီး မြန်မာနိုင်ငံကော့သောင်းမြို့၏ အရှေ့မြောက်ဘက် ကီလိုမီတာ ၂၈၀ အကွာတွင်တည်ရှိသည်။ EIA လေ့လာမှုအစီရင်ခံစာ၏ ရလဒ်များအား စီမံကိန်း အဆိုပြုသူ၏ ပတ် ဝန်းကျင်ဆိုင်ရာ လိုက်နာကျင့်ဆောင်မှုဆိုင်ရာလက်မှတ် (ECC) ရရှိရေး ဆုံးဖြတ်ချကများကိုအသိပေးနိုင်ရန် အလို့ငှာ သက်ဆိုင်ရာ မြန်မာအာဏာပိုင်များမှအကဲဖြတ်ရန်အတွက် ထံတင်ပြထားခြင်းဖြစ်သည်။ ဤ EIA အစီရင်ခံစာ မတိုင်မီ PTTEP သည် ၂၀၁၁ ခုနှစ် မတ်လ ၄ ရက်နေ့တွင် မြန်မာ့ရေနံနှင့်သဘာဝ ဓာတ်ငွေ့လုပ်ငန်း (MOGE) နှင့် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန (MONREC) သို့ နယ်ပယ်အတိုင်းအတာသတ်မှတ်ခြင်းအစီရင်ခံစာ နှင့် လုပ်ငန်းတာဝန်သတ်မှတ်ချက်များကိုတင်သွင်းခဲ့ပြီး ၂၀၁၂ ခုနှစ် သြဂုတ်လ ၂ ရက်နေ့တွင်အတည်ပြုချက်ရရှိခဲ့သည်။