"ကျောက်စိမ်း" - (သို့မဟုတ်) မြန်မာနိုင်ငံ၏ "ကြီးမားသောနိုင်ငံတော်လျှို့ဝှက်ချက်"အစီရင်ခံစာ

တစ်နှစ်ကျော်လေ့လာမှုများအပေါ် အခြေခံ၍ ရေးသားပြုစုထားသောဤအစီရင်ခံစာသည်ဒေါ်လာဘီလီယံပေါင်းများစွာပါဝင်လည် ပတ်နေသောကမ္ဘာပေါ် ရှိအဖိုးတန်ဆုံးကျောက်မျက်ရတနာများရောင်းဝယ်မှုများကိုစစ်တပ်မှထိပ်ဆုံးအလွှာများ၊ အမေရိကန်မှအ ရေးယူပိတ်ဆို့ထားသောမူးယစ်ရာဇာများနှင့် စစ်အစိုးရနှင့်နီးစပ်သောခရိုနီကုမ္ပဏီများကတင်းတင်းကျပ်ကျပ်ထိန်းချုပ်ကိုင်တွယ်ထားပုံကိုပထမဆုံးအကြိမ်အဖြစ်ဖော်ထုတ်တင်ပြထားပါသည်။အစိုးရကမူယင်းဖြစ်ရပ်များသည်အတိတ်ကာလတွင်ကျန်ရစ်ခဲ့ပြီဖြစ်ကြောင်း ပြောဆိုပါသည်။ယခင်စစ်အာဏာရှင်ဟောင်းဗိုလ်ချုပ်မှူးကြီးသန်းရွှေ၏မိသားစုနှင့်အခြားနာမည်ဆိုးဖြင့်ကျော်ကြား သည့်ပုဂ္ဂိုလ်များပိုင်ဆိုင်သောကုမ္ပဏီများသည်အရောင်တဖိတ်ဖိတ်တောက်ပနေသည့်ကမ္ဘာ့အဖိုးတန်ဆုံးကျောက်မျက်ရတနာများနှင့် တိုင်းပြည်၏အဖိုးမဖြတ်နိုင်သော သဘာဝသယံဇာတအမြောက်အများကို အဆီအနှစ်ထုတ်ယူ၍ မိမိတို့ကိုယ်ကျိုးအတွက်သုံးစွဲနေကြောင်းဤအစီရင်ခံစာမှဖော်ထုတ်တင်ပြထားပါသည်။ ယခုအချိန်တွင်မူ ကချင်ပြည်နယ်နှင့်ဖားကန့်ကျောက်စိမ်းတွင်းများမှပြည်သူများအပါအဝင် မြန်မာနိုင်ငံတဝှမ်းမှပြည်သူများအနေဖြင့် အဆိုပါလုပ်ငန်းများမှရရှိသောအကျိုးကျေးဇူးကိုရရှိခံစားခွင့်အလွန်တရာနည်းပါးနေပါသေးသည်။