စိုက်ပျိုးမွေးမြူရေးနှင့် စားနပ်ရိက္ခာစနစ်များ/ ကဏ္ဏများတွင် တာဝန်ယူမှု၊ တာဝန်ခံမှုရှိသော ရင်းနှီးမြုပ်နှံ မှုဆိုင်ရာ စည်းမျဉ်းစည်းကမ်းများ၊ နှင့် သက်ဆိုင်ရာလုပ်ငန်းစဉ်များအပေါ်နိုင်ငံရေးရှုထောင့်မှ သုံးသပ် ချက်အကျဉ်းချုပ်

(၂၀၁၄) အောက်တိုပါ (၁၅) ရက်နေ့တွင် ကုလသမဂ္ဂ စားနပ်ရိက္ခာနှင့် စိုက်ပျိုးရေးအဖွဲ့က လက်ခံ ကျင်းပ ခဲ့သည့် ကမ္ဘာ့စားနပ်ရိက္ခာ ဖူလုံရေးကော်မတီ(CFS) အစည်းအဝေးတွင် ကော်မတီဝင်နိုင်ငံများ က စိုက်ပျိုးမွေးမြူရေးနှင့် စားနပ်ရိက္ခာစနစ်များ/ ကဏ္ဏများတွင် တာဝန်ယူမှု၊ တာဝန်ခံမှုရှိသော ရင်းနှီး မြုပ်နှံမှုဆိုင်ရာ စည်းမျဉ်းစည်းကမ်းများနှင့်ပတ်သက်၍ သဘောတူညီခဲ့ကြပါသည်။ စားနပ်ရိက္ခာနှင့် အဟာရဖူလုံရေးလုပ်ငန်းစဉ်များအပေါ် ပံ့ပိုးကူညီနိုင်မည့် စိုက်ပျိုးမွေးမြူရေးနှင့် စားနပ်ရိက္ခာစနစ်များ/ ကဏ္ဏများတွင် တာဝန်ယူမှု၊ တာဝန်ခံမှုရှိသော ရင်းနှီးမြုပ်နှံ မှုဆိုင်ရာ စည်းမျဉ်းစည်းကမ်းများ၊ များ ဖြစ်ထွန်းပေါ်ပေါက်လာစေရန် တွန်းအားပေးခြင်းဖြင့် အမျိုးသားအဆင့် စားနပ်ရိက္ခာဖူလုံရေး ကဏ္ဏတွင် ပြည်သူများအနေဖြင့်သင့်လျော်လုံလောက်သော စားနပ်ရိက္ခာရယူပိုင်ခွင့်များ တစ်ဆထက်တစ်ဆ အကောင်အထည်ဖော်ဆောင်နိုင်စေရန် ဤအစည်းအဝေးက အဓိကရည်မှန်းထားပါသည်။

တာဝန်ယူမှုတာဝန်ခံမှုရှိသော စိုက်ပျိုးမွေးမြူရေးဆိုင်ရာ ရင်းနှီးမြုပ်နှံမှု (RAÍ) စည်းမျဉ်းစည်းကမ်းများ သည် နိုင်ငံအစိုးရများ၊ အရပ်ဖက်လူမှုအဖွဲ့အစည်းများ၊ ပုဂွဂလိက ကဏ္ဏများ၊ ကုလသမဂ္ဂ အဖွဲ့အစည်း များ၊ ဖွံ့ဖြိုးရေးဘဏ်များ၊ ဖောင်ဒေးရှင်းများ၊ သုတေသနနှင့် ပညာသင်ကြားရေးဆိုင်ရာ အဖွဲ့အစည်းများ ပါဝင်တက်ရောက်ခဲ့သည့် (၂) နှစ်ကျော်ကြာ ကမ္ဘာလုံးဆိုင်ရာ အကြံပြုဆွေးနွေးပွဲလုပ်ငန်းစဉ်မှ ပေါ်ထွက် လာသည့် ရလာဒ်ဖြစ်ပါသည်။

စိုက်ပျိုးမွေးမြူရေးဆိုင်ရာရင်းနှီးမြုပ်နှံမှု ကဏ္ဏသည် နိုင်ငံရေးနှင့် စီးပွါးရေးဆိုင်ရာ အကျိုးအမြတ်များ အတွင်းကျကျ ပါဝင်ပတ်သက်နေသော၊ ပြိုင်ဆိုင်မှုပြင်းထန်လှသည့် သဘောသဘာဝရှိခြင်းကြောင့် အဆို ပါ စည်းမျဉ်ကမ်းများပေါ်ထွက်လာစေရေးအပေါ် ညှိနှိုင်းဆွေးနွေးရာတွင် များစွာခက်ခဲလှကြောင်း တွေ့ရှိ ရပါသည်။ အဖွဲ့ဝင်နိုင်ငံအမျိုးမျိုး၏ မကြာခဏ ထောက်ခံမှုနှင့်အတူအရပ်ဖက်လူမှုအဖွဲ့အစည်းများက စားနပ်ရိက္ခာ အသေးစားထုတ်လုပ်သူများ၊ အလုပ်သမားများ၊ နှင့် ဒေသ/ နိုင်ငံတွင်း စားနပ်ရိက္ခာ ထုတ်လုပ်ရေးစနစ်များအပေါ် ပံ့ပိုးနိုင်ရန်အတွက် လူ့အခွင့်အရေးအပေါ်အခြေပြုသည့် ပြည်သူ့ ရင်းနှီး မြုပ်နှံမှုဆိုင်ရာ မူဝါဒများ၊ စည်းမျဉ်းစည်းကမ်းများ ပေါ်ထွက်လာစေရန် စောဒကတက် ဆွေးနွေးသည့် နည်းတူ အခြားနိုင်ငံအများအပြား၊ ပုဂ္ဂလိက ကဏ္ဏများကလည်း အကြီးစား (ကော်ပိုရိတ်) ရင်းနှီးမြုပ်နှံမှု နှင့် စျေးကွက်ယန္တရား ကြီးစိုး အားကောင်းနိုင်မည့် ဖြေလျော့သာ စည်းမျဉ်းစည်းကမ်း၊ မူဝါဒများ ပေါ်ထွက်လာစေရေးကို တွန်းအားပေးဆွေးနွေးခဲ့ကြပါသည်။

နောက်ဆက်တွဲ (RAÍ) ဆိုင်ရာစည်းမျဉ်းကမ်းများကလည်းရည်ရွယ်ချက်အားဖြင့် ကောင်းမွန်လှသည် ဆိုစေကာမူအဆိုပါ အားပြိုင်မှုများကို ဖြေရှင်းနိုင်ခြင်းမရှိသည့်အပြင် “ တာဝန်ယူမှု၊ တာဝန်ခံမှုရှိသည့် ရင်းနှီးမြုပ်နှံမှုနှင့် တာဝန်ယူမှု၊ တာဝန်ခံမှု ကင်းမဲ့သည့် ရင်းနှီးမြုပ်နှံမှု ဟူသည့် စကားရပ် (၂) ခုအကြား ကွာခြားချက်အပေါ်တိကျခိုင်မာသည့် အဓိပ္ပာယ်သတ်မှတ်ဖွင့်ဆိုချက် မပေးနိုင်ကြောင်းတွေ့ရှိရပါသည်။ အကယ်၍ အဓိပ္ပာယ်သတ်မှတ်ချက် ပေါ်ထွက်လာပါကလည်း ရှုပ်ထွေးမှုများကြောင့် အကျိုးထက် အပြစ် ဖြစ်လာဖွယ်ရှိနေပါသည်။ ထို့ကြောင့် အရပ်ဖက်လူမှု အဖွဲ့အစည်းများအနေဖြင့် (RAÍ) စည်းမျဉ်း စည်းကမ်းဆိုင်ရာ ခေတ်နောက်ပြန်ဆွဲနေသည့် အသုံးအနှုံးများကို လက်ခံရန်ငြင်းပယ်၍ အဆိုပါ စည်မျဉ်းစည်းကမ်းများအောက်တွင် အခြားသူများ မည်သို့ဆောင်ရွက်နေသည်ကို စောင့်ကြည့်စစ်ဆေး ရန် အထူးလိုအပ်လှပါသည်။