လျှပ်စစ်ဓာတ်အားသုံးစွဲမှုများပြားခြင်းသည်စီးပွါးရေးအလျှင်အမြန်ဖွံ့ဖြိုးတိုးတက်မှုနှင့်တိုက်ရိုက်အချိုးကျသည်ဟူသောအချက်ကိုဘောဂဗေဒပညာရပ်ကအခိုင်အမာဖော်ပြခြင်းမရှိသေးသော်လည်း နည်လမ်းကျနသောစီးပွါးရေးဖွံ့ဖြိုးတိုးတက်မှုများအတွက်ကောင်းမွန်သောလျှပ်စစ် ဓာတ်အားပံ့ပိုးမှုအထူးလိုအပ်သည်ကိုကျယ်ကျယ်ပြန့်ပြန့်သဘောတူလက်ခံပြီးဖြစ်ပါသည်။ မြန်မာကဲ့သို့စီးပွါးရေးထွန်းသစ်စနိုင်ငံများတွင်လျှပ်စစ်ဓာတ်အားပံ့ပိုးမှုသည်အထူးအရေးကြီးသောကြောင့်အစိုးရအနေဖြင့်လျှပ်စစ်ဓာတ်အားဖြန့်ဖြူးမှုကိုတည်ငြိမ်အားကောင်း၍လုံလောက်မှုရှိစေရန်အထူးဦးစားပေးဆောင်ရွက်ရန်လိုအပ်ပါသည်။ ဤဆွေးနွေးသုံးသပ်မှုစာတမ်းမှမြန်မာနိုင်ငံလျှပ်စစ်စွမ်းအင်ဆိုင်ရာအကဲဖြတ်ဆန်းစစ်မှုများကိုဖော်ပြ ထားပြီး အစိုးရအနေဖြင့် စွမ်းအင်ဖြန့်ဖြူးမှုဆိုင်အာရာမခံချက်ရရှိရေးအထူးသဖြင့်ဆင်းရဲသားပြည်သူများ နှင့် အားနည်းချက်ရှိသောပြည်သူများလျှပ်စစ်ဓာတ်အားလုံလောက်စွာအသုံးပြုခွင့်ရရှိရေးအစရှိသောကိစ္စရပ်များကို ကိုင်တွယ်ဖြေရှင်း နိုင်ရန်အတွက် ခိုင်မာသောမူဝါဒချမှတ်ရေးဆိုင်ရာရွေးချယ်ခွင့်အများအပြားကိုအကြံပြုတင်ပြထားပါသည်။ ထို့အပြင်လိုအပ်သောအခြေခံအဆောက်အအုံများနှင့် စွမ်းအင်ဖြန့်ဖြူးမှုဆောင်ရွက်ရာတွင်ကွာဟချက်ကျဉ်းမြောင်းစေရန်အတွက် လိုအပ်သောရင်းနှီးမြုပ်နှံမှုများကိုလည်းဤ စာတမ်းမှ ခန့်မှန်းတင်ပြထားပါသည်။

• အင်္ဂလိပ်ဘာသာစကား