ဤ “ သန်းခေါင်စာရင်းအစီရင်ခံစာအတွဲ ၂ အပိုင်း ခ - ပြည်ထောင်စုအဆင့်အစီရင်ခံစာ - အသက်မွေးဝမ်းကျောင်း အလုပ်အကိုင်နှင့်စက်မှုလုပ်ငန်း” သည်ပြည်ထောင်စုအဆင့်အစီရင်ခံစာ အတွဲ ၂ ၏နောက်ဆက်တွဲဖြစ်ပါသည်။ ၎င်းအစီရင်ခံစာတွင် လုပ်ငန်းဆောင်ရွက်မှုအခြေအနေ၊ အသက်မွေးဝမ်းကျောင်းအလုပ်အကိုင်နှင့်စက်မှုလုပ်ငန်းဆိုင်ရာ သတင်းအချက်အလက်များပါဝင်ပြီးအပိုင်း ၄ ပိုင်းခွဲခြားထားပါသည်။အပိုင်း ၁ တွင် ၂၀၁၄ ခုနှစ် မြန်မာနိုင်ငံသန်းခေါင်စာရင်းကောက်ယူမှုနောက်ခံအချက်အလက်များ နှင့် ပုံနှိပ်ထုတ်ဝေပြီးဖြစ်သော သန်းခေါင်စာရင်း ဆိုင်ရာသတင်းအချက်အလက်များပါဝင်ပါသည်။ အပိုင်း ၂ တွင်မြန်မာနိုင်ငံသန်း ခေါင်စာရင်းကောက်ယူမှုရလာဒ်များ ၊ အဓိကတွေ့ရှိချက်များကိုအဓိပ္ပာယ်ရှင်းလင်းမှုများ ၊ ပုံများဖြင့်သရုပ်ဖော်တင်ပြထားပါသည်။ အပိုင်း (၃) တွင် ပြည်ထောင်စုနှင့်ပြည်နယ် / တိုင်းဒေသကြီးအဆင့်ရှိသက်မွေးဝမ်းကျောင်းအလုပ်အကိုင်နှင့်စက်မှုလုပ်ငန်းများဆိုင်ရာသတင်းအချက်အလက်စာရင်းဇယားများ အသေးစိတ်ပါ၀င်ပါသည်။အပိုင်း ၄ သည်သန်းခေါင်စာရင်းမေးခွန်းလွှာများ ၊ ပုံနှိပ်ထုတ်ဝေမှုနှင့်သန်းခေါင်စာရင်းကောက်ယူမှုလုပ်ငန်းစဉ်များတွင်ထားရှိသည့်သဘောထားခံယူချက်များနှင့်အသုံးပြုသောပညာရပ်ဆိုင်ရာဝေါဟာရ ရှင်းလင်းချက်များ စသည်တို့ပါဝင်သော နောက်ဆက်တွဲဖြစ်ပါသည်။ အဓိကပါဝင်သည့် ပြည်သူလုထုအုပ်စုများနှင့် ၊ အသက်မွေးဝမ်းကျောင်းအလုပ်အကိုင်နှင့်စက်မှုလုပ်ငန်းဆိုင်ရာ အမျိုးအစားခွဲခြားသတ်မှတ်မှုများကိုလည်းဤအစီရင်ခံစာအပိုင်း ၄ တွင်အသေးစိတ်တွေ့နိုင်ပါသည်။

• ဗမာဘာသာစကား