မြေယာလုပ်ပိုင်ခွင့်များကို ပြန်လည်ရယူခြင်း-မြန်မာနိုင်ငံရှိ ဓလေ့ထုံးတမ်းဆိုင်ရာမြေယာလုပ်ပိုင်ခွင့်ကို အသိအမှတ်ပြုရန် လုပ်ဆောင်ရမည့် နည်းလမ်းများ

ဤစာအုပ်သည် မူဝါဒနှင့် ကျင့်ထုံးနှစ်မျိုးလုံးတွင် ဓလေ့ထုံးတမ်းဆိုင်ရာမြေယာလုပ်ပိုင်ခွင့်အား မည်ကဲ့သို့ အသိအမှတ်ပြု ကာကွယ်ရမည်ကို မြန်မာနိုင်ငံရှိ အရပ်ဘက်အဖွဲ့အစည်းများနှင့် အခြားသော ပြုပြင်ပြောင်းလဲရေး ဆောင်ရွက်သူများအတွက် လမ်းညွှန်မှုပေးထားခြင်းဖြစ်ပါသည်။ ဤဆန်းစစ်လေ့လာချက်၌ ကွဲပြားခြားနားသော ရှုပ်ထွေးမှုအဆင့်များနှင့်အတူ ဓလေ့ထုံးတမ်းဆိုင်ရာ မြေယာလုပ်ပိုင်ခွင့်ကို အသိအမှတ်ပြုခြင်းအတွက် ရွေးချယ်စရာနည်းလမ်းခြောက်ခုကို ဖော်ပြထားပါသည်။ ရွေးချယ်မှုတစ်ခုစီသည် သီးခြားအကြောင်းအရာတစ်ခုနှင့် ကိုက်ညီမှုများရှိနိုင်သည့်အတွက် ဤရွေးချယ်မှုများကို အပြန်အလှန်အားဖြင့် ကန့်သတ်ထားခြင်း မရှိပေ။ နိုင်ငံတကာအတွေ့အကြုံများအရ ၎င်းတွင် ကောင်းမွန်သော ဥပဒေဘောင်များ လိုအပ်ကြောင်း ဖော်ပြထားသော်လည်း လုပ်ပိုင်ခွင့်များကို အပြည့်အဝ ကာကွယ်ထားကြောင်း သေချာစေရန်အတွက် လုံလောက်မှုမရှိပေ။ ဤရွေးချယ်မှုများအား လက်တွေ့ကျကျ ထိရောက်မှုရှိစေရန်မှာ ဥပဒေရေးဆွဲခြင်းနှင့် အကောင်အထည်ဖော်ခြင်းတို့တွင် သတိပြုရမည့်အချက်များဖြစ်သည့် ကြားဖြတ်အစီအမံများ လိုအပ်ခြင်း၊ ဖက်ဒရယ်စနစ်နှင့်အညီ လိုက်လျောညီထွေဖြစ်စေခြင်း၊ အစိုးရအဖွဲ့အစည်းများကို ပြုပြင်ပြောင်းလဲခြင်း စသည့် ကိစ္စရပ်များအပေါ်တွင် မူတည်လျက်ရှိပါသည်။ ဓလေ့ထုံးတမ်းဆိုင်ရာမြေယာလုပ်ပိုင်ခွင့်ကို အသိအမှတ်ပြုခြင်းအတွက် အဆိုပြုထားသော ဥပဒေဆိုင်ရာလုပ်ငန်းစဉ်သည် ရပ်ရွာလူထုအား ထိုကဲ့သို့သော လုပ်ငန်းစဉ်ကို လိုက်နာလိုခြင်းရှိ၊ မရှိနှင့် ၎င်းတို့၏ မြေယာလုပ်ပိုင်ခွင့်ကို မည်သို့မည်ပုံ တရားဝင်ဖြစ်စေလိုကြောင်း ဆုံးဖြတ်ပေးရန်အတွက် လိုက်လျောညီထွေဖြစ်စေရန် ဆောင်ရွက်ပေးသင့်ပါသည်။